Discours de Sir Anerood Jugnauth lors du lancement du « Citizen Support Portal » à Rodrigues

Le ministre de Rodrigues a prononcé une discours lors de la cérémonie de lancement du Citizen Support Portal au Centre de Jeunesse d’Anse aux Anglais à Rodrigues.

Bonzour zot tou!

• Après célébrations 15 ans l’autonomie hier, sé ène lotte moment important pou la population rodriguaise avec lancement Citizen Support Portal ki pé faire ici.

• 15 ans de cela, kan mo ti Premier ministre, mo ti donne zotte autonomie administrative parski mo ti croire dans zotte potentiel et zotte capacité. Et franchement travail ki finne accomplir li formidable et mo croire nou bisin fier de sa.

• Dernier fois mo ti vinne Rodrigues, mo ti lance ène biro CAB dans Port Mathurin et mo heureux pou apprane ki sa biro là pé faire ène bon travail pou réponne à banne demandes au niveau social et infrastructurel de nou banne sœurs et frères rodriguais.

• Mo informer ki plusieurs projets drains ek ponts pé réaliser pou empêche banne inconvénients ki la population faire face quand éna gros la pluie.

• Sa banne projets là concerne villages Lataniers, Petit Gabriel, Fond Baie aux Huitres, Allée Tamarin, St Gabriel et à Port Mathurin.

• Mo apprane aussi ki ène deuxième phase en préparation et li concerne villages Camp du Roi, Anse Ali, Rivière Cocos, Grand la Fouche Mangues, port Sud Est, Grand Baie, Baie Malgache et Baie Topaze.

• Tou sa banne projets là pé financer par gouvernement central à travers National Development Unit.

• Et ici, mo tenir à félicite PPS François pou so dynamisme et so l’engagement pou faire sa banne projets là aboutir.

• Azordi sé ène lotte étape ki pé franchi avec lancement Citizen Support Portal dans Rodrigues.

• Citizen Support Portal sé ène plateforme informatique ki finne mette sur pied en partenariat avec l’Assemblée Régionale de Rodrigues.

• Tou dimounes dans Rodrigues, grands dimounes et zeness, capave servi sa site web là pou mette l’Assemblée Régionale Rodrigues au courant de banne complaintes, requêtes et suggestions pou ki capave prend banne actions appropriées dans l’intérêt Rodrigues.

• Le Chef Commissaire ek so l’équipe ti exprime le souhait ki éna ène système central pou enregistrer banne doléances ek suggestions et ki permette réponne efficacement à l’attente de la population rodriguaise.

• L’approche ki pé adopter li orienter vers le citoyen.

• Et pé mette technologie au service de l’épanouissement du peuple.

• Pé servi l’innovation pou réponne à banne besoins de ène génération ki vive dans ène le monde instantané. 

• Nou conscient ki tout dimoune pas disponible pou alle dans différents biro pou faire zotte banne démarches et prend renseignements.

• Avec Citizen Support Portal, n’importe ki moment kikène capave faire part de so problème ou so proposition.

• Evidemment ki bisin éna connexion internet pou capave accède à sa plateforme là.

• Nou conscient ki tou dimounes dans Rodrigues na péna accès à internet. Sé pourquoi, couma CEO Mauritius Telecom finne dire, finne prend banne dispositions pou mette en place banne ‘Citizen Support Corners’ dans biros la poste, 

• centre de jeunesse, centres communautaires,

• entre autres, cotte ène ordinateur et accès à internet disponible.

• Aussi pou améliore accès à internet dans l’île pé prend banne dispositions pou augmente bande passante de 200 mégabytes à 500 mégabytes en attendant ki installe fibre optique d’ici 2019.

• Mo confiant ki sa plateforme là pou très utile pou Rodrigues et ki tou citoyens ici pou servi li comme ène moyen pou communique directement avec banne différentes Commissions ki faire partie l’Assemblée Régionale de Rodrigues.

• Mo bien content ki éna ène volonté au niveau l’Assemblée Régionale de Rodrigues pou faire encore pli bien et réponne efficacement à banne attentes de la population rodriguaise. 

• Dans nou l’action pou amène plis progrès et plis justice sociale li fondamental ki tenir en compte banne problèmes ki nou banne compatriotes rencontrer dans zotte la vie de tous les jours.

• Même qualité Citizen Support Portal finne mette en place à Maurice. A ce jour, finne recevoir plis ki 17,000 requêtes et li intéressant noter ki finne déjà trouve solution dans environ 70 % banne cas.

• Banne requêtes ki finne enregistrer concerne allocations sociales, projets drain, la route, éclairage public et banne demandes pou nettoye saleté lors terrain vague. 

• Dans même contexte, finne lance ène campagne communication lors MBC avec programme « Ou démars nu priorité ».

• Ena aussi ène travail de sensibilisation ki pé faire auprès de banne syndicats, ONG, dans banne centres femmes, centres de jeunesse, collèges et associations pou banne personnes âgées. 

• Mo péna de doute ki ici aussi dans Rodrigues pou éna même qualité campagne pou ki chaque habitant au courant de fonctionnement sa plateforme informatique là et apprane servi li à bon escient. 

• Pou conclure, mo pou dire sans hésitation ki développement dans Rodrigues li en bonne voie.

• Couma zotte conner, mo finne tout létemps pense développement Rodrigues ensam avek développement Maurice. 

• Jamais mo finne faire discrimination entre les deux îles, parski sé ène sel lépep ène sel nation.

• Mo vivement souhaiter ki Rodrigues continuer so cheminement au sein de la République de Maurice et ki sa faire la fierté de toute la nation mauricienne.

• Mo apprécier boucoup mo banne compatriotes rodriguais.

• Zotte pou toujours éna mo soutien ek mo l’encouragement.

• Mo dire zotte merci pou zotte l’accueil ek zotte l’attention.

• Maintenant mo éna le plaisir lance le ‘Citizen Support Portal de Rodrigues.